مداح کا پشاور زلمی کے کھلاڑیوں کیلئے ’کپتان چپل‘ کا تحفہ۔

پاکستان سپر لیگ پی ایس ایل کے پانچویں ایڈیشن کا آغاز یوں تو 20 فروری سے ہوگا تاہم اس سے قبل ہی ملک بھر میں کرکٹ کا بخار سر چڑھ کربولنے لگا ہے۔

پی ایس ایل کے بخار کے سر چڑھ کر بولنے کا ایک ثبوت یہ بھی ہے کہ خیبرپختونخوا کے دارالحکومت پشاور میں کئی سال سے ’پشاوری چپل‘ بنانے والے عمر رسیدہ شخص نے پوری پشاور زلمی ٹیم کو ’کپتان چپل‘ کا تحفہ دے دیا۔

یہ وہی ’کپتان چپل‘ ہیں جنہیں پشاور کے 60 سالہ چاچا نورالدین نے وزیر اعظم عمران خان کے لیے تیار کیا تھا۔

چاچا نورالدین کی جانب سے پشاور زلمی کے تمام کھلاڑیوں اور مینیجمنٹ ٹیم کو ’کپتان چپل‘ کا تحفہ پیش کرنے والے چاچا نورالدین ہمیشہ سے ہی پشاور زلمی کو سپورٹ کرتے ہیں اور اس بار بھی وہ اپنی پسندیدہ ٹیم کو سپورٹ کر رہے ہیں۔